textes de
Trel­lon

»»»

«««

vers
rappor­tés
(14 / 14)

»»»

«««

»»»

De la bouche, des yeux, de la voix de ma belle,
La rougeur, les attraits, & les sons rauissans
Bruslent, percent mon cœur, & enchantent mes sens,
Pensif, triste, accablé d’vne peine eternelle.

Ce corail, ce flambeau, ceste douceur nouuelle,
Sources d’ennuis, de morts, de tourmens renaissans,
Rongeans, bruslans, lians mes esprits languissans,
Me font souffrir, languir, & mourir apres elle.

Gesné, desesperé, perdu d’affection,
Ie sens croistre mon mal, mon feu, ma passion,
Songeant, resuant, pensant nuict & iour dedans l’ame

Au destin, au hazard, au malheur qui me suit:
Car rien fasché, captif, & dolent ne me duit,
Que la bouche, & les yeux, & la voix de Madame.

Son­net

→ texte
moder­nisé

pleine page

œuvres de
Trel­lon
dispo­nibles
sur Gallica

télé­charger
le texte

En ligne le 28/12/04.
Dernière révision le 28/06/22.