Jean Antoine de BAÏF (1532-1589)
Ore de mal en bien…
Paris, Lucas Breyer, 1573.

Ore de mal en bien se veut tourner la chance,
Qui par vn trop long temps a duré contre moy:
Il faut vne autre fois essayer si ma foy
Pourroit bien rencontrer heureuse recompense.

Tousiours la mer grondant contre vn vaisseau ne tance:
L’air serain du fort temps chasse le triste effroy,
Et le Printemps l’Hyuer : le retour doux & coy
De l’amiable paix suit des guerres l’outrance.

Tousiours le flot contraire à ma nef ne sera,
Mais bien tost vn bon vent ses voiles enflera,
Qui la fera surgir à son port desirable.

Tel doux espoir me vient de la gaye douceur,
Qui me rit fauorable en cest œil rauisseur,
De viure autant heureux qu’ay vescu miserable.

On peut cliquer sur certains mots pour voir les épithètes de Maurice de La Porte
 
 

Ore de mal en bien se veut tourner la chance,
Qui par vn trop long temps a duré contre moy:
Il faut vne autre fois essayer si ma foy
Pourroit bien rencontrer heureuse recompense.

Tousiours la mer grondant contre vn vaisseau ne tance:
Lair serain du fort temps chasse le triste effroy,
Et le Printemps l’Hyuer : le retour doux & coy
De l’amiable paix suit des guerres l’outrance.

Tousiours le flot contraire à ma nef ne sera,
Mais bien tost vn bon vent ses voiles enflera,
Qui la fera surgir à son port desirable.

Tel doux espoir me vient de la gaye douceur,
Qui me rit fauorable en cest œil rauisseur,
De viure autant heureux qu’ay vescu miserable.

 

En ligne le 30/04/11.
Dernière révision le 15/05/19.