«««

textes de
Magny

»»»

«««

»»»

Donques il sera vray qu’vn Bastard mesdisant
En qui l’art tout contraint, erre sans la nature,
A dõner aux grãds Roys vn loz qui tousiours dure,
Sera par vn Ronsard estimé suffisant?

Le Tybre aille son cours contremont conduisant,
L’aigneau parmy les loups prenne sa nourriture,
Et le iour plus luysant deuienne nuict obscure,
Et la plus noire nuict deuienne iour luysant.

Les oiseaulx desormais habitent aux fonteines,
Et desormais aux champs habitent les baleines,
Et tout par tout encor se change en l’vnivers,

Le feu, la terre, l’air, & les vndes marines,
Puis qu’il est vray, BELLAY, qu’vn Bastard si peruers,
Ronsard a mis au reng des personnes diuines.

Son­net

→ texte
moder­nisé

pleine page

œuvres de
Magny
dispo­nibles
sur Gallica

télé­charger
le texte

En ligne le 27/05/15.
Dernière révision le 23/07/21.