Jean de LA JESSÉE (1551-?)
Beauté céleste…
Anvers, Christofle Plantin, 1583.

Beavte celeste en vne Fille humaine,
Vn vif esprit de sagesse pourueu,
Vn brillant œil, où mon Tyran i’ay ueu,
Vn ris mignard qui l’ame aus Astres meine.

Vne vertu diuinement hautaine,
Vn dous refus à qui i’offre maint uœu,
Vne fierté qu’on sert à son auœu,
Et qui mes yeus fait sourçer en fontaine.

Vn sein esmeu d’vn animé soupir,
Vn chant qui peut toute peine assoupir,
Vne main propre à rauir les pensées.

Vn vain espoir, vn emmiellé parler,
Vn graue port, vn pas ferme au baler :
Ont par destin mes amours commençées.

On peut cliquer sur certains mots pour voir les épithètes de Maurice de La Porte
 
 

«««

textes de
La Jessée

»»»

«««

1583

»»»

«««

ana­phore de
l’indé­fi­ni

»»»



texte
moder­nisé



~#~

Beavte celeste en vne Fille humaine,
Vn vif esprit de sagesse pourueu,
Vn brillant œil, où mon Tyran i’ay ueu,
Vn ris mignard qui l’ame aus Astres meine.

Vne vertu diuinement hautaine,
Vn dous refus à qui i’offre maint uœu,
Vne fierté qu’on sert à son auœu,
Et qui mes yeus fait sourçer en fontaine.

Vn sein esmeu d’vn animé soupir,
Vn chant qui peut toute peine assoupir,
Vne main propre à rauir les pensées.

Vn vain espoir, vn emmiellé parler,
Vn graue port, vn pas ferme au baler :
Ont par destin mes amours commençées.

 

En ligne le 27/11/16.
Dernière révision le 21/02/22.