Jean de LA JESSÉE (1551-?)
Tu me surpris…
Anvers, Christofle Plantin, 1583.

Tv me surpris, tu me peus enflamer,
Et vins encor naurer mon cœur rebelle :
Toy ma gentille, & chaste Colombelle,
Dont le secours ie n’ose reclamer !

Le nœu, la flamme, & le trait dous-amer,
M’estraint, m’ard, m’outre : & pour toy, Nymphe belle,
Amour subtil brise, couure, plombelle,
Lacs, feu, garrot, pour ne point t’entamer.

En mes tourmentz ceci me reconforte
Qu’vn lien fort, brasier fort, fleche forte,
Me serre pris, chaud m’ard, blessé m’époint.

Las ! vn ou deus n’ont esclaué ma vie,
Troys Ennemys la tiennent asseruie !
Seul contre troys, ie ne resiste point.

On peut cliquer sur certains mots pour voir les épithètes de Maurice de La Porte
 
 

Tv me surpris, tu me peus enflamer,
Et vins encor naurer mon cœur rebelle :
Toy ma gentille, & chaste Colombelle,
Dont le secours ie n’ose reclamer !

Le nœu, la flamme, & le trait dous-amer,
M’estraint, m’ard, m’outre : & pour toy, Nymphe belle,
Amour subtil brise, couure, plombelle,
Las, feu, garrot, pour ne point t’entamer.

En mes tourmentz ceci me reconforte
Qu’vn lien fort, brasier fort, fleche forte,
Me serre pris, chaud m’ard, blessé m’espoint.

Las ! vn ou deus n’ont esclaué ma vie,
Troys Ennemys la tiennent asseruie !
Seul contre troys, ie ne resiste point.

 

En ligne le 08/05/18.
Dernière révision le 08/05/18.