Pierre LE LOYER (1550-1634)
Amour Tyran m’a mis…
Paris, Abel L’Angelier, 1576.

«««

textes de
Le Loyer

»»»


 

 
 
 

 


«««

imi­tation de
Amor m’à posto…

 

Amour Tyran m’a mis comme au soleil la neige,
Comme vn blanc à la butte, & comme au feu la cire,
Comme au vent la nuee, & en mon grief martyre
Ie quiers mercy à Flore, & point ne me soulage.

Elle comme vn soleil fait hasler mon visage,
Et creuasse mon corps & mes humeurs attire:
Comme vn archer adroict dans mon cueur elle tire,
Et chasse comme vn vent, ma force & mon courage.

Sa face est le soleil, mes pensers sont les dars,
Le feu c’est mon desir, c’est mon souci espars,
Qui de nuict, qui de iour fait qu’en Flore ie viue.

Et le vent c’est sa voix, c’est son doucereux chant,
Qui charmant mon oreille & mon cueur allechant,
Exile de mon corps mon ame fugitiue.

On peut cliquer sur certains mots pour voir les épithètes de Maurice de La Porte
 
 

Amour Tyran m’a mis comme au soleil la neige,
Comme vn blanc à la butte, & comme au feu la cire,
Comme au vent la nuee, & en mon grief martyre
Ie quiers mercy à Flore, & point ne me soulage.

Elle comme vn soleil fait hasler mon visage,
Et creuasse mon corps & mes humeurs attire:
Comme vn archer adroict dans mon cueur elle tire,
Et chasse comme vn vent, ma force & mon courage.

Sa face est le soleil, mes pensers sont les dars,
Le feu c’est mon desir, c’est mon souci espars,
Qui de nuict, qui de iour fait qu’en Flore ie viue.

Et le vent c’est sa voix, c’est son doucereux chant,
Qui charmant mon oreille & mon cueur allechant,
Exile de mon corps mon ame fugitiue.

 

En ligne le 25/06/19.
Dernière révision le 29/06/19.