«««

textes de
Hes­teau

»»»

«««

»»»

«««

»»»

»»»

Oeil bel œil, ornement des hommes & des dieux,
Oeil qui ciel, terre, & mer, d’vn seul clin illumine:
Oeil duquel ce grand œil qui luit par la machine,
Emprunte chacun iour ses beaux feus radieux,

Oeil qui peux rendre clairs les enfers tenebreux,
Oeil sous qui nuict & iour par l’obscur ie chemine,
Oeil qui peux asseruir toute grandeur diuine,
Par l’esclair enchanté d’vn rayon gracieux:

Oeil bel œil qui bruslez & nourrissez mon ame,
Oeil bel œil qui dardez mainte amoureuse flame:
Au plus profond de moy esgarant ma raison,

Si vous m’auez blessé seruez moy d’vn Achille,
Si estes mon venin d’vn scorpion vtile,
Faisant naistre en mon mal ma propre guarison.

Son­net

→ texte
moder­nisé

pleine page

œuvres de
Hes­teau
dispo­nibles
sur Gallica

télé­charger
le texte

En ligne le 31/01/18.
Dernière révision le 05/12/20.