«««

textes de
de Brach

»»»

«««

vers
rappor­tés
(12 / 14)

»»»

VOus vent, vous nautonnier, vous riuiere cruelle,

Pourquoi m’enmenés vous ce que i’aime le mieux,
Soufflant, tirant, portant, mesme deuant mes yeux,
Et la voile, & la rame, & la vite nacelle,

Le souffler, & les nerfs, & la courçe eternelle
Du gosier, & des bras, & des flots enuieux,
Du vent, du nautonnier, du fleuue audacieux
Puisse cesser, roidir, perdre son cours rebelle.

Et pour voir aduenir ce que i’ai souhaité,
Puisse Æole, la goutte, & le chien de l’Esté,
Par force, par douleur, & par grand’ secheresse

Brider, roidir, tarir le vent, les nerfs, & l’eau:
Tellement que le vent, le bras, & l’eau delaisse
D’enfler, tirer, porter, voile, rame, batteau.

Son­net

→ texte
moder­nisé

pleine page

œuvres de
de Brach
dispo­nibles
sur Gallica

télé­charger
le texte

En ligne le 13/07/09.
Dernière révision le 22/10/22.