Pierre POUPO (1552-1590)
Qu’on tourne son regard…
Paris, Barthélémy Le Franc, 1590.

[…] 

Qu’on tourne son regard du couchant au leuant
Sur le plan de la terre, & derriere & deuant,
Qu’y remarquera-ton fors vn change ordinaire
De faire le desfait, & le fait redesfaire ?
Vn tourneuirement, vn chainon de discors
Du monde & des mondains s’entrepoussants dehors ?

La vie en esclot l’vn, & la mort l’autre escache:
L’vn plante, l’autre vient apres lui qui arrache:
Qui fait estat de meurtre, & qui de guerison:
Qui va demolissant, qui bastit sa maison:
Qui pleure, qui s’esclatte en riantes œillades :
Qui se bat la poictrine, & qui fait des gambades:
L’vn respand des cailloux, l’autre les met en plots:
On embrasse tantost, puis on tourne le dos:
Le pere acquiert, l’enfant dissipe son hoirie :
Ce qu’on gardoit bien cher, se iette à la voirie :
On dechire, on recoust, on babille, on se taist:
Et cela qu’on aimoit, tout aussi tost déplaist :
La guerre nous desioinct, puis la paix nous renoüe:
Que feroit le mortel cloüé sur cette roüe !
Où tracer le proiet d’vne felicité
Sur le sable mouuant de telle vanité !

[…] 

On peut cliquer sur certains mots pour voir les épithètes de Maurice de La Porte
 
 

[…] 

Qu’on tourne son regard du couchant au leuant
Sur le plan de la terre, & derriere & deuant,
Qu’y remarquera-ton fors vn change ordinaire
De faire le desfait, & le fait redesfaire ?
Vn tourneuirement, vn chainon de discors
Du monde & des mondains s’entrepoussants dehors ?

La vie en esclot l’vn, & la mort l’autre escache:
L’vn plante, l’autre vient apres lui qui arrache:
Qui fait estat de meurtre, & qui de guerison:
Qui va demolissant, qui bastit sa maison:
Qui pleure, qui s’esclatte en riantes œillades :
Qui se bat la poictrine, & qui fait des gambades:
L’vn respand des cailloux, l’autre les met en plots:
On embrasse tantost, puis on tourne le dos:
Le pere acquiert, l’enfant dissipe son hoirie :
Ce qu’on gardoit bien cher, se iette à la voirie :
On dechire, on recoust, on babille, on se taist:
Et cela qu’on aimoit, tout aussi tost déplaist :
La guerre nous desioinct, puis la paix nous renoüe:
Que feroit le mortel cloüé sur ceste roüe !
Où tracer le proiet d’vne felicité
Sur le sable mouuant de telle vanité !

[…] 

«««  imitation de Temps de naître…  »»»
 

En ligne le 03/06/18.
Dernière révision le 03/06/18.