Étienne JODELLE (1532-1573)
Qu’Hymen, Amour, le ciel…
Paris, N. Chesneau & M. Patisson, 1574.

Qu’Hymen, Amour, le ciel, de foy, d’ardeur & d’heur,
Leur ioigne, enflamme, illustre, & corps, & cœur, & vie,
Tant qu’à nul change, ou haine, ou desastre asseruie
Soit oncq leur alliance, & chaleur, & splendeur:

L’accord qui vient des dieux, la flame, ou la grandeur,
Ne craint discord, froideur, ny du bas sort l’enuie,
Dont souuent est rompue, esteinte ou tost rauie,
D’Hymen, d’amour, du ciel, l’influence ou l’ardeur.

Si aux grands le haut sang lie, allume, & bien-heure
Tel laqs, telle ferueur, telle faueur, pour l’heure
Vertu l’étreint, l’embrase, & prospere encor mieux:

Ce lien royal donc, cet amour & hautesse,
Ferme, extreme, & supreme, en tout vainque sans cesse
Tout nœu, tout feu, tout don, d’Hymen, d’amour, des cieux.

On peut cliquer sur certains mots pour voir les épithètes de Maurice de La Porte
 
 

Qu’Hymen, Amour, le ciel, de foy, d’ardeur & d’heur,
Leur ioigne, enflamme, illustre, & corps, & cœur, & vie,
Tant qu’à nul change, ou haine, ou desastre asseruie
Soit oncq leur alliance, & chaleur, & splendeur:

L’accord qui vient des dieux, la flame, ou la grandeur,
Ne craint discord, froideur, ny du bas sort l’enuie,
Dont souuent est rompue, esteinte ou tost rauie,
D’Hymen, d’amour, du ciel, l’influence ou l’ardeur.

Si aux grands le haut sang lie, allume, & bien-heure
Tel laqs, telle ferueur, telle faueur, pour l’heure
Vertu l’étreint, l’embrase, & prospere encor mieux:

Ce lien royal donc, cet amour & hautesse,
Ferme, extreme, & supreme, en tout vainque sans cesse
Tout nœu, tout feu, tout don, d’Hymen, d’amour, des cieux.

 

En ligne le 04/10/05.
Dernière révision le 12/02/21.