Catherine DES ROCHES (1542-1587)
La Beauté, la doctrine…
Poitiers, Nicolas Courtoys, 1583.
ouvrir sur Gallica : Les Réponses, 29, f° 73v°.

LA Beauté, la doctrine, & la graue douceur,
Qui orne vostre frond, vostre esprit, vostre Grace,
Atire doucement, & retient & enlasse
A celuy qui vous voit les yeux, l’Ame & le cueur.

Puis vous auez encor, la faueur, le bien, l’heur,
De Vertu, de Fortune, & d’vne antique race,
Si que les nourrissons de Smyrne, Thebes, Thrace,
Chantant vostre honneur saint, se feroient grand honneur.

Que doy-ie faire donc, sinon par le Silence
Honorer vos valeurs d’vne humble reuerence,
Baisant vos blanches mains en toute humilité ?

Voiant tant de Beautez, de Vertus, de merites
De sçauoir, de sagesse, & de chastes Charites
Ne demontrer en vous que la Diuinité.

On peut cliquer sur certains mots pour voir les épithètes de Maurice de La Porte
 
 

LA Beauté, la doctrine, & la graue douceur,
Qui orne vostre frond, vostre esprit, vostre Grace,
Atire doucement, & retient & enlasse
A celuy qui vous voit les yeux, l’Ame & le cueur.

Puis vous auez encor, la faueur, le bien, l’heur,
De Vertu, de Fortune, & d’vne antique race,
Si que les nourrissons de Smyrne, Thebes, Thrace,
Chantant vostre honneur saint, se feroient grand honneur.

Que doy-ie faire donc, sinon par le Silence
Honorer vos valeurs d’vne humble reuerence,
Baisant vos blanches mains en toute humilité ?

Voiant tant de Beautez, de Vertus, de merites
De sçauoir, de sagesse, & de chastes Charites
Ne demontrer en vous que la Diuinité.

 

En ligne le 21/09/06.
Dernière révision le 17/07/19.