Jean de LA JESSÉE (1551-?)
Voyez combien le Ciel…
Le Préam­bule des
innom­brables
Les premières Œuvres françaises [vol. 2],
Anvers, Christofle Plantin, 1583, III, Les Amours.
ouvrir sur Gallica : La Grasinde, livre I, p. 1280.

Voyez combien le Ciel est iniuste, & seuere !
Voyez comment Nature esloigne de noz yeus
Ce qu’elle a de plus cher, plus noble, & precieus :
Et comme à noz souhaitz l’vn & l’autre est contrere !

Vous qui meritez bien qu’on vous prise, & reuere,
Vous condamnez (Madame) & Nature, & les Cieus :
Qui sous ne sçay quel vœu chastement soucieus,
Dans vn lieu retiré vous tiennent prisonniere.

Vostre age perd ainsi son beau lustre, & sa fleur :
L’Ambre, le musc, l’ençens, les pierres de valeur,
De mesme se perdroyent aux riuages Barbares,

Si des Marchandz forains ilz n’estoyent despouillez :
Souffrez donc qu’ilz le soyent, puis que vous esgallez
Les Perles, les senteurs, & les choses plus rares.

On peut cliquer sur certains mots pour voir les épithètes de Maurice de La Porte
 
 

Voyez combien le Ciel eſt iniuſte, & ſeuere !
Voyez comment Nature eſloigne de noz yeus
Ce qu’elle a de plus cher, plus noble, & precieus :
Et comme à noz ſouhaitz l’vn & l’autre eſt contrere !

Vous qui meritez bien qu’on vous priſe, & reuere,
Vous condamnez (Madame) & Nature, & les Cieus :
Qui ſous ne ſçay quel vœu chaſtement ſoucieus,
Dans vn lieu retiré vous tiennent priſonniere.

Voſtre age perd ainſi ſon beau luſtre, & ſa fleur :
L’Ambre, le muſc, l’ençens, les pierres de valeur,
De meſme ſe perdroyent aux riuages Barbares,

Si des Marchandz forains ilz n’eſtoyent deſpouillez :
Souffrez donc qu’ilz le ſoyent, puis que vous eſgallez
Les Perles, les ſenteurs, & les choſes plus rares.

 

En ligne le 11/11/24.
Dernière révision le 11/11/24.