textes de
J. de Mire­mont

»»»

«««

anti­thèses
accu­mu­lées
(vers 7 à 15)

»»»

[…] 
Non ce n’est point amour qu’vn appetit pourceau,
L’esclat d’vn bois pourry n’est pas vn clair flambeau,
La fumee est du feu aussi bien que la flame,
Mais son corps estouffé n’esclaire ny n’enflame,
De mesmes la fureur de leurs affections
A bien comme l’amour, des vœus, des passions,
Mais l’vn tend à l’honneur, l’autre vise à l’ordure,
L’vn loge au cœur infect, & l’autre en l’ame pure,
Cestuy cy tout parfaict du beau est allumé,
Cestuy là contrefaict du laid est difformé,
L’vn est enfant du ciel & pere du bel ordre,
L’autre est fils de l’erreur createur du desordre,
L’vn met deux cœurs en vn vray mastic d’amitié,
L’autre faict mille parts d’vne seule moitié,
Cestuy cesse au iouyr, l’autre en ce poinct s’auance
Et possede son heur si tost qu’est sa naissance,
Car l’amant vertueux qui l’amour sainct conçoit
D’esprit, d’oreille & d’œil, comprend, entend, & voit
Les trois seules beautez, si l’esprit beau l’anime
Il succe le sçauoir, il conserue l’estime
De ce sujet aimé ; s’il est pris à l’accord,
Qu’vn fredonnant gosier tout dous nous iette à bord,
Il en iouit alors qu’attaché par l’oreille,
Il sauoure à longs trais, l’enchanteuse merueille ;
Si les trais, la couleur, si les dimensions,
D’vn corps en tout parfait, forment ses passions,
L’œil qui seul de ce beau reçoit la cognoissance,
Seul est capable aussi d’en auoir iouyssance.

[…] 

Apo­lo­gie

→ texte
moder­nisé

pleine page

œuvres de
J. de Mire­mont
dispo­nibles
sur Gallica

télé­charger
le texte

→ vers
rappor­tés

En ligne le 25/01/25.
Dernière révision le 25/01/25.