Pierre de CORNU (1558-1622)
Le tonnerre pressé…
Le Préam­bule des
innom­brables
Les Œuvres poétiques,
Lyon, Jean Huguetan, 1583.
ouvrir sur Gallica : Le premier livre des Amours, sonnet LXXIII, p. 52.

Le tonnerre pressé d’vn brusque tremblement,
N’eslance pas tousiours sa roideur enflammee,
Le nauire sautant sur la mer agitee
N’est tousiours engoufré par le flot ondoyant:

Les Autans forcenez d’vn rude esbranlement,
N’entremeslent tousiours leur force courroucee,
L’hiuernale blancheur de la neige glacee,
Sur les pins esleuez ne va tousiours roulant.

Ainsi ie ne croit point que l’aigreur soucieuse,
Qui seme dans mon cœur vne humeur douloureuse,
Perseuere tousiours à geiner mes esprits.

Vn temps viendra bien tost qui vuide de misere,
Serenant les eforts de ma tristesse amere,
Apaisera l’horreur du mal qui m’a surpris.

On peut cliquer sur certains mots pour voir les épithètes de Maurice de La Porte
 
 

Le tonnerre preßé d’vn bruſque tremblement,
N’eſlance pas touſiours ſa roideur enflammee,
Le nauire ſautant ſur la mer agitee
N’eſt touſiours engoufré par le flot ondoyant:

Les Autans forcenez d’vn rude esbranlement,
N’entremeſlent touſiours leur force courroucee,
L’hiuernale blancheur de la neige glacee,
Sur les pins eſleuez ne va touſiours roulant.

Ainſi ie ne croit point que l’aigreur ſoucieuſe,
Qui ſeme dans mon cœur vne humeur douloureuſe,
Perſeuere touſiours à geiner mes eſprits.

Vn temps viendra bien toſt qui vuide de miſere,
Serenant les eforts de ma triſteßsse amere,
Apaiſera l’horreur du mal qui m’a ſurpris.

 

En ligne le 17/06/08.
Dernière révision le 23/03/25.