«««

textes de
Cornu

»»»

«««

»»»

Lucrece, ie ne puis d’vn œil sec t’exorter,
Contemplant la saison de ta verte ieunesse,
A dechasser bien loin la grossiere rudesse,
Qui dilaye le bien qui te peut contenter.

Helas! ceste beauté qui me fait contrister,
A cause d’vn amour qui chaudement me presse,
Auant qu’il soit long temps, perdra sa gentilesse,
Et tu ne feras plus sinon que lamenter.

Maintenant que tu as & la iouë lissee,
Et le teint ressemblant à cil d’vne poupee,
Tu penses que tousiours doit durer ta vigueur.

Mais tu seras deceuë, & en fin soucieuse,
D’auoir perdu le temps: sans aucun seruiteur,
Tu pleindras à bon droit ta vie malheureuse.

Son­net

→ texte
moder­nisé

pleine page

œuvres de
Cornu
dispo­nibles
sur Gallica

télé­charger
le texte

En ligne le 10/10/10.
Dernière révision le 07/10/21.