«««

textes de
Bi­rague

»»»

«««

dispo­si­tion du
pré­am­bule
(vers 5 à 8)

»»»

«««

»»»

«««

O cueur triste & pensif, qui en si dur martyre,
Te recuis à feu lent, en si dur creuecueur,
Pensant appriuoiser d’vne Tigre le cueur,
Et que d’vn diamant quelque suc on retire.

Plustost contre Aquilon animé de grand' ire
Ferme resisteroit quelque feuillar vainqueur,
Plustost tout l’Ocean tariroit sa liqueur,
Plustost l’aimant seroit plus mol que n’est la cire:

Que de iamais trouuer en ce cueur aimantin
Vn seul trait de pitié, ainsi veut le destin,
Mon cueur n’y pense plus, change mon cueur ta chance.

Encor qu’vn bon Demon l’incitast à pitié,
Iamais loyer égal à ta ferme amitié
Ne respondroit au tiers de ta longue souffrance.

Son­net

→ texte
moder­nisé

pleine page

œuvres de
Birague
dispo­nibles
sur Gallica

télé­charger
le texte

En ligne le 14/05/09.
Dernière révision le 11/03/23.