«««

textes de
Bi­rague

»»»

«««

vers
rappor­tés
(6 / 14)

»»»

«««

»»»

Tousiours, tousiours, helas! i’ay dedans la memoire
La blanche main, le poil & l’œil plein de rigueur,
Qui me serrant, liant & me brulant le cueur,
La mortelle poison d’Amour me firent boire.

Le Pau, le Rhin, la Seine, & la Sone, & le Loire,
Ne pourroient pas, ô Dieux, esteindre la chaleur,
Que cest astre iumeau destin de mon malheur,
A epris dans mon cœur pour sa plus grande gloire.

O beauté de qui l’œil, le poil, la belle main
Ont brulé, lassé, pris mon cœur dedans mon sain:
Vous estes celle-là qui seule peut esteindre,

Desnouer, & ouurir le feu, le reth, la serre
Qui me brulant, noudant, & serrant vne guerre,
Font à mon pauure cœur dangereuse & à craindre.

Son­net

→ texte
moder­nisé

pleine page

œuvres de
Bi­rague
dispo­nibles
sur Gallica

télé­charger
le texte

→ topos des fleuves

En ligne le 13/12/11.
Dernière révision le 26/09/20.