Flaminio de BIRAGUE (?-?)
Si quand le corps…
Paris, Thomas Perier, 1585.

Si quand le corps est ioint auecque l’ame,
Vous n’exercez les amoureux combas,
Pensez vous bien qu’apres vostre trépas,
Le feu d’Amour comm’ ore vous enflame?

Pour vray nenny: car l’amoureuse flame,
Ne prend qu’icy seulement ses ébas:
Quand nous allons aux riues de là bas,
Amour alors nostre cœur plus n’entame.

Doncques cueillez le plaisir de la vie,
Car Paradis en Grec ne signifie
Qu’vn beau iardin, ce iardin est en vous.

Si vous voulez quelques fois, ma Maistresse,
En ce iardin prendre toute liesse:
Faites moy part d’vn paradis si doux.

On peut cliquer sur certains mots pour voir les épithètes de Maurice de La Porte
 
 

Si quand le corps est ioint auecque l’ame,
Vous n’exercez les amoureux combas,
Pensez vous bien qu’apres vostre trépas,
Le feu d’Amour comm’ ore vous enflame?

Pour vray nenny: car l’amoureuse flame,
Ne prend qu’icy seulement ses ébas:
Quand nous allons aux riues de là bas,
Amour alors nostre cœur plus n’entame.

Doncques cueillez le plaisir de la vie,
Car Paradis en Grec ne signifie
Qu’vn beau iardin, ce iardin est en vous.

Si vous voulez quelques fois, ma Maistresse,
En ce iardin prendre toute liesse:
Faites moy part d’vn paradis si doux.

 

En ligne le 14/03/15.
Dernière révision le 07/10/21.