«««

textes de
La Jessée

»»»

«««

vers
rappor­tés
(2 / 14)

»»»

Qve n’ay-ie les accordz du Cygne de Florance !
En los ie vous fairois sa Nymphe esgaliser :
Ie vous fairois encor d’age en age priser,
Ainsi qu’vn Vandomoys, parmy toute la France.

Cil qui nay dans Venise, & des sa tendre enfance
Se vid icy conduire, & naturaliser,
Ne sçauroit mieus que moy vous immortaliser :
Non le Harpeur d’Anjou, tesmoing de sa souffrance.

Ore mon tard destin me monstre aprez ceus-cy !
Ne pouuant toutesfois vous postposer icy
A Laure, & à Cassandre, à Francine, & l’Oliue.

Si donc i’ay quelque honneur, c’est par vous que ie l’ay:
Vous dy-ie qui serez d’vne ardeur plus naïue
Mon Petrarque, & Ronsard, mon Bayf, & Bellay.

Son­net

→ texte
moder­nisé

pleine page

œuvres de
La Jessée
dispo­nibles
sur Gallica

télé­charger
le texte

→ à chaque poète sa dame

→ corré­la­tion
et recol­lec­tion

En ligne le 09/06/19.
Dernière révision le 17/06/21.