«««

textes de
Louven­court

»»»

«««

vers
rappor­tés
(2 / 14)

»»»

Depuis le temps qu’Amour par les traits de vos yeux
(Beaux Soleils dont l’ardeur m’enflame & m’illumine,)
Me veint ranger sous vous, & que l’ardeur diuine
Du feu qu’ils vont pleuuant me rendit amoureux:

I’ay versé plus de pleurs & fait iusques aux Cieux
Voler plus de souspirs par ma bouche pourprine,
I’ay senti plus de feus au fond de ma poitrine,
Qu’vn bois n’a de fueillage au temps plus gracieux.

Mais ie n’ay peu pourtant par souspirs & par larmes
Fleschir vostre rigueur : c’estoient trop foibles armes.
Las! aussi, c’est pourquoy ie me plains si souuent.

Et crois qui si Vulcan, Neptune, Amour, Eole
Auoient perdus le feu, l’eau, les traits, & le vent,
Ils les pourroient r’auoir du seul mal qui m’affolle.

Son­net

→ texte
moder­nisé

pleine page

œuvres de
Louven­court
dispo­nibles
sur Gallica

télé­charger
le texte

→ motif des
innom­brables

En ligne le 15/08/23.
Dernière révision le 15/08/23.