textes de
Las­phrise

»»»

«««

ana­phore du
dé­mons­tra­tif
(vers 1-13)

»»»

«««

»»»

CE riche entendement, ceste aggreable grace,

Ce ieune teinct serain, de l’Aurore emprunté,
Ces deux yeux soleillans, flambeaux de chasteté,
Ce langage doré qui doulcement menace,

Ce poil blond ondoyant, ceste Angelique face,
Ce graue-doux accueil, ceste humble priuauté,
Cest honneste maintien, ceste belle beauté,
Ce grand front yuoirin où tout honneur se place,

Ceste petite bouche entournée d’œillet,
Ce nez assez traitif, ceste gorge de laict,
Ces coutaulx emboutis d’vne fraise pourprine,

Ce bras, ce pied, ce corps qui à Pallas ressemble,
Ce petit mon mignon, que sans voir i’imagine,
Cela me faict languir, mourir, & viure ensemble.

Son­net

→ texte
moder­nisé

pleine page

œuvres de
Las­phrise
dispo­nibles
sur Gallica

télé­charger
le texte

En ligne le 21/09/11.
Dernière révision le 20/10/24.