Adrian de GADOU (?-?)
Rome, qui fus sans Rome…
Le Préam­bule des
innom­brables
La Marguerite, plus l’Hermitage,
Paris, J. Mettayer & M. Challange, 1573.
ouvrir sur Gallica : L’Hermitage, «Sonnets de l’auteur faits à Rome», f° 20r°.

Rome, qui feus sans Rome, & sans ses habitans:
Habitans, qui de Rome auez fondé la place:
Place dont allentour Rome acreut son espace:
Espace, ou estoit Rome, & le monde, en vn temps,

En lieu d’auoir mes yeux satisfaicts, & contens,
Qui tant ont desiré, de vous voir, ceste grace:
Ne voiant plus de vous qu’vn peu d’ombre, & de trace,
Qui feustes autre fois terre, & mer surmontans,

En lieu de refraischir mon corps de tant de peines
Que pour venir icy, i’ay eu, par mons, & plaines,
Mon cœur, pour vostre estat, est saisy de douleurs,

Doutant (ainsi qu’à vous) que ciuille discorde,
Fille pour mon païs vne secrette corde,
Dont elle attache, vn iour, nostre aise à vos malheurs.

On peut cliquer sur certains mots pour voir les épithètes de Maurice de La Porte
 
 

Rome, qui feus ſans Rome, & ſans ſes habitans:
Habitans, qui de Rome auez fondé la place:
Place dont allentour Rome acreut ſon eſpace:
Eſpace, ou eſtoit Rome, & le monde, en vn temps,

En lieu d’auoir mes yeux ſatisfaicts, & contens,
Qui tant ont deſiré, de vous voir, ceſte grace:
Ne voiant plus de vous qu’vn peu d’ombre, & de trace,
Qui feuſtes autre fois terre, & mer ſurmontans,

En lieu de refraiſchir mon corps de tant de peines
Que pour venir icy, i’ay eu, par mons, & plaines,
Mon cœur, pour voſtre eſtat, eſt ſaiſy de douleurs,

Doutant (ainſi qu’à vous) que ciuille diſcorde,
Fille pour mon païs vne ſecrette corde,
Dont elle attache, vn iour, noſtre aiſe à vos malheurs.

 

En ligne le 28/10/24.
Dernière révision le 28/10/24.