Christofle DU PRÉ (?-?)
Pour pleurer à loisir…
Le Préam­bule des
innom­brables
Les Larmes funèbres,
Paris, Mamert Patisson, 1577.
ouvrir sur Gallica : Les Larmes funèbres, f° 15r°.

Pour plorer à loizir tout le monde ie fuis,
Tout le monde ie fuis pour plorer & me plaindre,
Et me plaindre tout seul, à fin de ne rien craindre,
Ne rien craindre en mon mal, qui me tire d’ennuis:

Qui me tire d’ennuis, malheureux, où ie suis,
Où ie suis enfoncé iusqu’à l’os qui vient ceindre,
Qui vient ceindre ma nucque, & ma teste conioindre,
Conioindre estroictement l’vn sur l’autre reduis:

Reduis tous mes pensers maintenant à l’extréme,
A l’extréme me voy, ma face toute blesme,
Toute blesme fait veoir & descouure le fond,

Le fond de mes malheurs, qui me rendent coulee,
Coulee en languissant ma vie dezolee,
Dans le sein enuieilly d’vn silence profond.

On peut cliquer sur certains mots pour voir les épithètes de Maurice de La Porte
 
 

Pour plorer à loizir tout le monde ie fuis,
Tout le monde ie fuis pour plorer & me plaindre,
Et me plaindre tout ſeul, à fin de ne rien craindre,
Ne rien craindre en mon mal, qui me tire d’ennuis:

Qui me tire d’ennuis, malheureux, où ie ſuis,
Où ie ſuis enfoncé iuſqu’à l’os qui vient ceindre,
Qui vient ceindre ma nucque, & ma teſte cõioindre,
Conioindre eſtroictement l’vn ſur l’autre reduis:

Reduis tous mes penſers maintenant à l’extréme,
A l’extréme me voy, ma face toute bleſme,
Toute bleſme fait veoir & deſcouure le fond,

Le fond de mes malheurs, qui me rendent coulee,
Coulee en languiſſant ma vie dezolee,
Dans le ſein enuieilly d’vn ſilence profond.

 
 

En ligne le 01/09/21.
Dernière révision le 28/10/24.