textes de
Cornu

»»»

«««

»»»

Les cheueux ondelez de ta tresse crespee,
L’yuoire blanchissant de ton front spatieux,
Les cercles ebenins qui voisinent tes yeux,
Et le beau vermeillon de ta iouë pourpree:

Le corail respirant de ta bouche sucree,
L’albastre contourné de ton col doucereux,
Les coustaus esleuez de tes tetins neigeux,
Qui rendent proprement ta poitrine voutee,

Ont apasté mon cœur d’vne telle façon,
Que plustost ie perdrai ma rime & ma chanson,
Et le soufle sacré de ma fureur diuine,

Que ie mette en oubli ton front, & tes cheueux,
Ta iouë, ton menton, tes sourcils, & tes yeux,
Ta bouche, tes tetins, ton col, & ta poitrine.

Son­net

→ texte
moder­nisé

pleine page

œuvres de
Cornu
dispo­nibles
sur Gallica

télé­charger
le texte

→ recol­lec­tion

En ligne le 09/09/23.
Dernière révision le 12/03/24.