«««

textes de
Buttet

»»»

«««

»»»

Ia le matin qui l’uniuers redore,
De franges d’or, & de perles s’ornoit,
Et doucement tout en roses tournoit
Le char serein, de l’Indienne Aurore.

Las le souci qui sans fin me déuore,
Aucun espoir de paix ne me donnoit :
Plutôt le iour allors me ramenoit
Mille tormens, & mille mors encore,

Quand derrier’ moi au bout dun gai preau,
Ma Nymphe émeut vn orient nouueau,
Qui éclaira mes nocturnes angoisses.

Pardonnés moi, ô vous celestes Dieux,
Luire la vi, de corps, de front, & d’yeux,
Plus belle encor que ne sont voz Déesses.

Son­net

→ texte
moder­nisé

pleine page

œuvres de
Buttet
dispo­nibles
sur Gallica

télé­charger
le texte

En ligne le 07/11/18.
Dernière révision le 25/09/22.