Marin LE SAULX (?-?)
Plutôt de l’Univers…
Le Préam­bule des
innom­brables
Théanthropogamie,
Londres, Thomas Vautrolier, 1577.
ouvrir sur Gallica : sonnet 123, p. 101.

PLus tost de l’Vniuers ceste ronde Encyclie
On pourroit veoir changer en carré sa rondeur,
Et la terre éleuer sa creuse profondeur
Sur la hauteur du ciel, qui d’astres est remplie,

Plus tost on pourroit veoir dedans la mer polie
Esclairer du Soleil la naïue splendeur,
Et dans le ciel flotter des hurques la grandeur,
Que ie mette en oubly Christ qui m’a annoblie.

Quand l’agneau & le lou ensemble hanteront,
Et dans vn mesme trou leurs fils enfanteront,
Et le feu dedans l’eau de l’eau prendra naissance.

Quand le iour sera nuict, & la nuict iour vermeil,
Oublier ie pourray le Christ mon seul Soleil,
Qui de son clair reluist dedans ma conscience.

On peut cliquer sur certains mots pour voir les épithètes de Maurice de La Porte
 
 

PLus toſt de l’Vniuers ceſte ronde Encyclie
On pourroit veoir changer en carré ſa rondeur,
Et la terre éleuer ſa creuſe profondeur
Sur la hauteur du ciel, qui d’aſtres est remplie,

Plus toſt on pourroit veoir dedans la mer polie
Eſclairer du Soleil la naïue ſplendeur,
Et dans le ciel flotter des hurques la grandeur,
Que ie mette en oubly Chriſt qui m’a annoblie.

Quand l’agneau & le lou enſemble hanteront,
Et dans vn meſme trou leurs fils enfanteront,
Et le feu dedans l’eau de l’eau prendra naiſſance.

Quãd le iour ſera nuict, & la nuict iour vermeil,
Oublier ie pourray le Chriſt mon ſeul Soleil,
Qui de ſon clair reluiſt dedans ma conſcience.

 

En ligne le 04/07/07.
Dernière révision le 28/11/24.