Guillaume DES AUTELS (1529-1581)
Si tu veux le compte savoir…
Lyon, Jean Temporal, 1553.

«««

textes de
Des Autels

 


 

 
 
 

 


«««

»»»


 

propos :
les baisers
attendus

 

A sa S.

Si tu veux le compte sauoir
Des baisers que ie veux auoir,
Il te faudra prendre la peine,
De nombrer grain à grain l’areine,
Que l’eau cache entre les Gauloys
Belgiques, & les froids Angloys.
Il te faut assommer le nombre
Des feux, honneur de la Nuit sombre,
Et de ces petitz corps, qui ont
Animé les choses qui sont:
Non pas des abeilles Attiques,
Mais de tant de graces pudiques
Qui sont l’arriere & auantgarde
De ta douce beauté, qui darde
Tant de pointes en mon souci
Qu’il te faudra comter aussi.

Vne plus chaste ardeur me brule
Que l’affection de Catulle,
Qui pouuoit son feu appaiser
D’autre chose que le baiser:
Moy qui n’ose autre fruit attendre,
I’en veux aussi plus que luy prendre,
Que Martial, que Ian Second:
Cette leure encor me semond
En son teint de coral naïf,
D’en demander plusque Baïf:
Et que Ronsard, faisant le tendre,
N’en impetre de sa Cassandre.
Riche excellent n’est pas celuy
Qui trouue aussi riche que luy.

On peut cliquer sur certains mots pour voir les épithètes de Maurice de La Porte
 
 

A sa S.

Si tu veux le compte sauoir
Des baisers que ie veux auoir,
Il te faudra prendre la peine,
De nombrer grain à grain l’areine,
Que l’eau cache entre les Gauloys
Belgiques, & les froids Angloys.
Il te faut assommer le nombre
Des feux, honneur de la Nuit sombre,
Et de ces petitz corps, qui ont
Animé les choses qui sont:
Non pas des abeilles Attiques,
Mais de tant de graces pudiques
Qui sont l’arriere & auantgarde
De ta douce beauté, qui darde
Tant de pointes en mon souci
Qu’il te faudra comter aussi.

Vne plus chaste ardeur me brule
Que l’affection de Catulle,
Qui pouuoit son feu appaiser
D’autre chose que le baiser:
Moi qui n’ose autre fruit attendre,
I’en veux aussi plus que luy prendre,
Que Martial, que Ian Second:
Cette leure encor me semond
En son teint de coral naïf,
D’en demander plusque Baïf:
Et que Ronsard, faisant le tendre,
N’en impetre de sa Cassandre.
Riche excellent n’est pas celuy
Qui trouue aussi riche que luy.

 

En ligne le 13/06/22.
Dernière révision le 13/06/22.