Maclou de LA HAYE (?-?)
Ainsi qu’au temps d’airain…
Paris, Étienne Groulleau, 1553.

Ainsi qu’au temps d’airain les trop audacieux
Montaigne sur montaigne à perte d’œuil leuerent,
Et qu’ensemble d’acord au sommet arriuerent
Essayant descheler la muraille des cieulx:

En la mesmes facon mes temeraires yeulx
L’vn sur l’autre penser mes desirs esleuerent,
Qui puis apres vnis de monter s’esprouuerent
A la cime des montz du doulx Loir gracieux,

Mais au poinct de l’abord ces enfans de la terre
Trebucherent punis soubz le feu du tonnerre,
Aussi mes folz pensers sous vn oeil punissant

Tomberent fouldroiez en ma raison mallade,
Dont vn souspir de feu suis depuis vomissant
Qui me fait ressembler vn second Encelade.

On peut cliquer sur certains mots pour voir les épithètes de Maurice de La Porte
 
 

Ainsi qu’au temps d’airain les trop audacieux
Montaigne sur montaigne à perte d’œuil leuerent,
Et qu’ensemble d’acord au sommet arriuerent
Essayant descheler la muraille des cieulx:

En la mesmes facon mes temeraires yeulx
L’vn sur l’autre penser mes desirs esleuerent,
Qui puis apres vnis de monter s’esprouuerent
A la cime des montz du doulx Loir gracieux,

Mais au poinct de l’abord ces enfans de la terre
Trebucherent punis soubz le feu du tonnerre,
Aussi mes folz pensers sous vn oeil punissant

Tomberent fouldroiez en ma raison mallade,
Dont vn souspir de feu suis depuis vomissant
Qui me fait ressembler vn second Encelade.

 

En ligne le 05/05/20.
Dernière révision le 13/06/22.