«««

textes de
Chassi­gnet

»»»

«««

»»»

L’Enfance n’est sinon qu’vne sterile fleur,

La ieunesse qu’ardeur d’vne fumiere vaine,
Virilité qu’ennuy, que labeur, & que peine,
Vieillesse que chagrin, repentance, & douleur,

Nos ieus que desplaisirs, nos bon-heurs que mal-heur,
Nos thresors et nos biens, que tourment, & que geine,
Nos libertez que laqs, que prisons, & que chaine,
Nostre aise, que mal-aise, & nostre ris que pleur:

Passer d’vn àge à l’autre, est s’en aller au change
D’vn bien plus petit mal, en vn mal plus estrange
Qui nous pousse en vn lieu d’ou personne ne sort.

Nostre vie est semblable à la mer vagabonde,
Ou le flot suit le flot, & l’onde pousse l’onde,
Surgissant à la fin au haure de la mort.

Son­net

→ texte
moder­nisé

pleine page

œuvres de
Chassi­gnet
dispo­nibles
sur Gallica

En ligne le 07/03/22.
Dernière révision le 30/12/24.