textes de
Chassi­gnet

»»»

«««

»»»

«««

ASsies toy sur le bort d’vne ondante riuiere

Tu la verras fluer d’vn perpetuel cours,
Et flots sur flots roulant en mille & mille tours
Descharger par les préz son humide carriere

Mais tu ne verras rien de ceste onde premiere
Qui n’aguiere couloit, l’eau change tous les iours,
Tous les iours elle passe, & la nommons tousiours
Mesme fleuue & mesme eau, d’vne mesme maniere.

Ainsi l’homme varie, & ne sera demain
Telle comme auiour-d’huy du pauure cors humain
La force que le tems abbreuie, & consomme:

Le nom sans varier nous suit iusqu’au trespas,
Et combien qu’au iour-d’huy celuy ne sois ie pas
Qui viuois hier passé, tousiours mesme on me nomme.

Son­net

→ texte
moder­nisé

pleine page

œuvres de
Chassi­gnet
dispo­nibles
sur Gallica

télé­charger
le texte

En ligne le 20/02/13.
Dernière révision le 07/03/22.