Jean de LA JESSÉE (1551-?)
Au bon arbre, au Rosier…
Anvers, Christofle Plantin, 1583.

Av bon arbre, au Rosier, à la viue clarté,
Qui produit, qui reiette, & qui son lustre aporte:
N’aguere i’esgallois vne Maistresse acorte,
Fuyant, & detestant, l’astuce, & la fierté.

Helas! ie l’estimoy d’vne si grand’ bonté,
D’vn esprit si gaillard, & d’vne amour si forte:
Qu’elle auoit ia gaigné d’vne subtile sorte
Mon cœur, ma seruitude, & ma fidelité.

Maintenant qu’vn Hyuer, qu’vn Esté, qu’vne nuë,
Ses fruitz, ses fleurs, ses rays, attaint, seche, desnuë:
Ie veus quitter aussi le ioug qui m’a deceu.

Au pis, m’affranchissant, ce m’est quelque auantage!
Et puis ie ne lairray qu’vn arbre sans fruitage,
Vne espine sans rose, vne torche sans feu.

On peut cliquer sur certains mots pour voir les épithètes de Maurice de La Porte
 
 

Av bon arbre, au Rosier, à la viue clarté,
Qui produit, qui reiette, & qui son lustre aporte:
N’aguere i’esgallois vne Maistresse acorte,
Fuyant, & detestant, l’astuce, & la fierté.

Helas! ie l’estimoy d’vne si grand’ bonté,
D’vn esprit si gaillard, & d’vne amour si forte:
Qu’elle auoit ia gaigné d’vne subtile sorte
Mon cœur, ma seruitude, & ma fidelité.

Maintenant qu’vn Hyuer, qu’vn Esté, qu’vne nuë,
Ses fruitz, ses fleurs, ses rays, attaint, seche, desnuë:
Ie veus quitter aussi le ioug qui m’a deceu.

Au pis, m’affranchissant, ce m’est quelque auantage!
Et puis ie ne lairray qu’vn arbre sans fruitage,
Vne espine sans rose, vne torche sans feu.

 

En ligne le 27/02/05.
Dernière révision le 16/02/22.