Adrian de GADOU (?-?)
Comme l’Aigle Royal…
Le Préam­bule des
innom­brables
La Marguerite, plus l’Hermitage,
Paris, J. Mettayer & M. Challange, 1573.
ouvrir sur Gallica : L’Hermitage, «À M. de Ronsard, excellent Poète», f° 13v°.

Comme l’Aigle Royal qui domine, & surpasse
Tous les aultres oyseaux, ne les deuore pas
Pour viure simplement, & prendre leurs appastz,
Ainsi que de nature ils ont la propre grace:

Mais à l’heure (sans plus) qu’il les voit prendre audace,
Le sentant dessus eulx, sans respect, ny compas,
De vouloir faire guerre aux oysillons plus bas,
Pour leur temerité les poursuit, & les chasse.

Ainsi te supplier, grand Poëte, il me fault,
Comme celuy qui volle en France le plus hault,
Ne fouldroyer mes vers, pour ma vaine entreprise:

Presumer sous ton vol rien ne veux, & ne puis,
Sinon que si de toy fauorisé ie suis
Ma monnoye au pays peut auoir cours, & mise.

On peut cliquer sur certains mots pour voir les épithètes de Maurice de La Porte
 
 

Comme l’Aigle Royal qui domine, & ſurpaſſe
Tous les aultres oyſeaux, ne les deuore pas
Pour viure ſimplement, & prendre leurs appastz,
Ainſi que de nature ils ont la propre grace:

Mais à l’heure (ſans plus) qu’il les voit prẽdre audace,
Le ſentant deſſus eulx, ſans reſpect, ny compas,
De vouloir faire guerre aux oyſillons plus bas,
Pour leur temerité les pourſuit, & les chaſſe.

Ainſi te ſupplier, grand Poëte, il me fault,
Comme celuy qui volle en France le plus hault,
Ne fouldroyer mes vers, pour ma vaine entrepriſe:

Preſumer ſous ton vol rien ne veux, & ne puis,
Sinon que ſi de toy fauoriſé ie ſuis
Ma monnoye au pays peut auoir cours, & miſe.

 

En ligne le 19/08/19.
Dernière révision le 27/10/24.