Claude de PONTOUX (v. 1540-av. 1579)
Tant puissante est l’ardeur…
Le Préam­bule des
innom­brables
La Bibliothèque d’Antoine Du Verdier,
Lyon, Barthélémy Honorat, 1585.

 

textes de
Pon­toux

 

 

vers
rappor­tés
(13 / 14)

 

 

topos des armes de l’Amour
( feu, fer, filet )

 

ouvrir sur Gallica : «Claude de Pontoux», « En son Idée, sonnet 165 », p. 189.

Tant puissante est l’ardeur, la flesche & la filace,
Dont m’eschaufe, & me naure, & me lie l’amour,
Qu’ars, attaint, empiegé, mon cœur fait son seiour
Et malade & captif dans le feu, dans la glace:

Mais pendant que ie fonds ie languy, ie m’englace,
Par la flamme, la playe & les liens d’Amour,
Si ie voy ce bel or, ce Soleil, ce beau iour,
Je ne sens chault ny deuil, ny neud qui mal me face.

Quoy qu’il me brusle ou tue, ou m’estraint rudement,
Ie sen si doux le feu, la mort, & le tourment,
Qu’ores ie hay le froid, la vie, & la franchise.

O feu, ô fer, ô ret de l’Archer les outils
Puissiez tousiours ainsi saouler voz appetits
De moy qui vous suis mesche, & but, & proye prise.

On peut cliquer sur certains mots pour voir les épithètes de Maurice de La Porte
 
 

Tant puiſſante eſt l’ardeur, la fleſche & la filace,
Dont m’eſchaufe, & me naure, & me lie l’amour,
Qu’ars, attaint, empiegé, mon cœur fait ſon ſeiour
Et malade & captif dans le feu, dans la glace:

Mais pendant que ie fonds ie languy, ie m’englace,
Par la flamme, la playe & les liens d’Amour,
Si ie voy ce bel or, ce Soleil, ce beau iour,
Je ne ſens chault ny deuil, ny neud qui mal me face.

Quoy qu’il me bruſle ou tue, ou m’estraint rudement,
Ie ſen ſi doux le feu, la mort, & le tourment,
Qu’ores ie hay le froid, la vie, & la franchiſe.

O feu, ô fer, ô ret de l’Archer les outils
Puißiez touſiours ainſi ſaouler voz appetits
De moy qui vous ſuis meſche, & but, & proye priſe.

«««  les armes de l’Amour  »»»
 

En ligne le 18/09/05,
remplacé par la version de L’Idée de 1579 le 16/02/16.
Dernière révision le 14/06/26.