Claude de PONTOUX (v. 1540-av. 1579)
Bourgogne, France…
Le Préam­bule des
innom­brables
Gélodacrye amoureuse,
Paris, Nicolas Bonfons, 1579.
ouvrir sur Gallica : Sonnet, f° 63r°.

BOurgongne, France, & l’Amour, & la Muse,
Me fit, me tint, me rauit, m’amusa,
Petit, grandet, iouuenceau, puis vsa
Mes plus beaux ans aupres d’vne Meduse.

Ia mon esprit de doctrine confuse
Ie cultiuoy, quand l’Amour opposa
Deuant mes yeux ce bel œil qui m’osa
Naurer le cueur par son ardeur infuse.

France me print encor’ plein de vergongne,
Entre le sein de ma mere Bourgongne,
Puis me seurant me monstre à l’vniuers.

Amour me vid d’vn si libre courage
Me print, & puis m’ayant mis en seruage
M’apprint la danse, & la Muse des vers.

On peut cliquer sur certains mots pour voir les épithètes de Maurice de La Porte
 
 

BOurgongne, France, & l’Amour, & la Muse,
Me fit, me tint, me rauit, m’amusa,
Petit, grandet, iouuenceau, puis vsa
Mes plus beaux ans aupres d’vne Meduse.

Ia mon esprit de doctrine confuse
Ie cultiuoy, quand l’Amour opposa
Deuant mes yeux ce bel œil qui m’osa
Naurer le cueur par son ardeur infuse.

France me print encor’ plein de vergongne,
Entre le sein de ma mere Bourgongne,
Puis me seurant me monstre à l’vniuers.

Amour me vid d’vn si libre courage
Me print, & puis m’ayant mis en seruage
M’apprint la danse, & la Muse des vers.

 

En ligne le 23/06/23.
Dernière révision le 23/06/23.