«««

textes de
Mar­quets

«««

anti­thèses
accu­mu­lées
(vers 1-8, 11-14)

»»»

Plus on charge la palme, & plus elle se dresse ;
Plus on assaut vertu, & plus elle s’accroist :
Ce qu’aux martyrs de Christ veritable apparoist,
Qui ont souffert la mort en si grande allegresse :

Car plus on les plongeoit en douleur & detresse,
En peines & tourmens ; & plus forts ils restoient
En patience & foy: car certains ils estoient,
D’auoir au Ciel repos, gloire, vie & liesse.

Et tel espoir aussi n’a pas esté deceu :
Car par eschange heureux ils ont de Dieu receu,
Pour iniure & mespris vne gloire immortelle,

Pour angoisse & douleur vn plaisir sauoureux,
Pour labeur & trauail vn repos bien-heureux,
Et pour langueur & mort vne vie eternelle.

Son­net

→ texte
moder­nisé

pleine page

œuvres de
Mar­quets
dispo­nibles
sur Gallica

télé­charger
le texte

En ligne le 07/07/21.
Dernière révision le 14/05/23.