Olivier de MAGNY (1529-1561)
L’amour me fait haïr moi-même…
Le Préam­bule des
innom­brables
Les Odes,
Paris, André Wechel, 1559.
ouvrir sur Gallica : quatrième livre, « De l’absence de s’amie », strophes 3-5, ff. 148v°-149r°.

[…] 

L’amour me faict hair moy mesme,
Le bien me fait vn mal extreme,
Et le feu trop chault me pallit,
Le repos helas! me trauaille,
Le veiller m’est somme, & le lict
M’est vn camp de dure bataille,
Où viuant on m’enseuelit.

Le pleurer me plaist, & le rire
M’apreste vn contraire martire,
Le repos m’est venin & fiel,
Au lieu de paix i’ay tousiours guerre,
Ie voy sans yeux, & volle au ciel
Sans iamais départir de terre,
Où ieune ie semble estre vieil.

I’espere & crain d’vn seul courage,
Mon profit m’aporte dommage,
Et le iour plus serain qui luyt
Ne m’est que tenebre mortelle,
Bref, i’ay sans fin soit iour ou nuict
D’vn vieil desir peine nouuelle,
En suyuant cella qui me fuyt.

[…] 

On peut cliquer sur certains mots pour voir les épithètes de Maurice de La Porte
 
 

[…] 

L’amour me faict hair moy meſme,
Le bien me fait vn mal extreme,
Et le feu trop chault me pallit,
Le repos helas! me trauaille,
Le veiller m’eſt ſomme, & le lict
M’est vn camp de dure bataille,
Où viuant on m’enſeuelit.

Le pleurer me plaiſt, & le rire
M’apreſte vn contraire martire,
Le repos m’eſt venin & fiel,
Au lieu de paix i’ay touſiours guerre,
Ie voy ſans yeux, & volle au ciel
Sans iamais départir de terre,
Où ieune ie ſemble eſtre vieil.

I’eſpere & crain d’vn ſeul courage,
Mon profit m’aporte dommage,
Et le iour pluſ ſerain qui luyt
Ne m’eſt que tenebre mortelle,
Bref, i’ay ſans fin ſoit iour ou nuict
D’vn vieil deſir peine nouuelle,
En ſuyuant cella qui me fuyt.

[…] 

 

En ligne le 23/02/23.
Dernière révision le 20/06/24.