Pierre LE LOYER (1550-1634)
Doux est l’ébat…
Le Préam­bule des
innom­brables
Les Œuvres et Mélanges poétiques,
Paris, Jean Poupy, 1579.
ouvrir sur Gallica : « Les Amours de Flore », sonnet LXXXIII, f° 35r°v°.

Doux est l’esbat que lon prend a courir
Le Cerf qui fuit par vne ouuerte plaine,
Doux le surgeon d’vne vifue fontaine
Qui bruict, qui court sans iamais se tarir:

Douce en Esté l’ombre qui peult guerir,
Noz membres las de chaleur, & de peine:
Doulx le printemps, & douce aussi l’alleine,
Du vent Zephyr’ qui vient Flore cherir.

L’air qui est beau, & serain nous agree:
Quand il faict froid, vn beau feu nous recrée
Le corps qui est de frissons tout esmeu.

Mais par sur tout i’ayme ta douce grace
Et plus me plaist qu’vn printemps, que la chasse,
Que l’eau, le vent, l’ombre, l’air, & le feu.

On peut cliquer sur certains mots pour voir les épithètes de Maurice de La Porte
 
 

Doux eſt l’esbat que lon prend a courir
Le Cerf qui fuit par vne ouuerte plaine,
Doux le ſurgeon d’vne vifue fontaine
Qui bruict, qui court ſans iamais ſe tarir:

Douce en Eſté l’ombre qui peult guerir,
Noz membres las de chaleur, & de peine:
Doulx le printemps, & douce außi l’alleine,
Du vent Zephyr’ qui vient Flore cherir.

L’air qui eſt beau, & ſerain nous agree:
Quand il faict froid, vn beau feu nous recrée
Le corps qui eſt de friſſons tout eſmeu.

Mais par ſur tout i’ayme ta douce grace
Et plus me plaiſt qu’vn printemps, que la chaſſe,
Que l’eau, le vent, l’ombre, l’air, & le feu.

 

En ligne le 16/04/22.
Dernière révision le 11/05/26.