«««

textes de
La Jessée

»»»

«««

vers
rappor­tés
(14 / 14)

»»»

Par art, forçe, ire, soing, pour neant ie me peine
De fuyr, combatre, rompre, assoupir ce-iour d’huy,
Mon destin, mon hayneus, ma prison, mon ennuy :
Qui me presse, m’assaut, m’assugetit, me traine.

Le hazard, l’ennemy, le seruage, la peine,
M’attaint, m’abat, me tient, me rencontre meshuy,
Sans course, sans pouuoir, sans ayde, sans appuy:
Arresté, vaincu, serf, bruyant ma plainte vaine.

Du haut Ciel, d’vn grand Dieu, d’vn las fort, d’vn bel œil,
Procede le meschef, combat, surprise, dueil,
Que ie reçoy, soustiens, endure, ne modere.

Le Chetif, le Dompté, l’Esclaue, le Mal-sain,
Ainsi triste, mutin, facheus, plaintif en vain,
Pleure, resueille, acroist, & conte sa misere.

Son­net

→ texte
moder­nisé

pleine page

œuvres de
La Jessée
dispo­nibles
sur Gallica

télé­charger
le texte

En ligne le 27/09/06.
Dernière révision le 09/04/22.