Étienne DU TRONCHET (?-1585)
Les cheveux étaient d’or… (Canz., 90)
Le Préam­bule des
innom­brables
Lettres amoureuses,
Lyon, P. Frellon et A. Cloquemin, 1595 (Paris, 1575).
ouvrir sur Gallica : Septante sonnets de Pétrarque, sonnet 42, p. 265.

LEs cheueux estoyent d’or autour de Laure espars,
Qui de mille doux nœuds d’vne tresse ondoyante,
Ombrageoient la clarté, outre mesure ardente
Des yeux dont maintenant i’ay si petites parts.

La couleur de la face piteuse en toutes parts
Ie ne sçay si c’estoit ou pour vray ou par feincte.
Mais moy à qui n’estoit d’amour la braise esteincte
Il ne faut s’esbahir si subitement i’ards.

Son maintien n’estoit point de mortelle façon
Mais de forme angelique & sa douce chanson
Sonnoit tout autre son que son de voix humaine.

Son esprit au surplus estoit diuin & haut:
Mais si par laps du temps quelque chose s’en faut,
Pourtant l’arc debandé ne fait la playe saine.

On peut cliquer sur certains mots pour voir les épithètes de Maurice de La Porte
 
 

LEs cheueux eſtoyent d’or autour de Laure eſpars,
Qui de mille doux nœuds d’vne treſſe ondoyante,
Ombrageoient la clarté, outre meſure ardente
Des yeux dont maintenant i’ay ſi petites parts.

La couleur de la face piteuſe en toutes parts
Ie ne ſçay ſi c’eſtoit ou pour vray ou par feincte.
Mais moy à qui n’eſtoit d’amour la braiſe eſteincte
Il ne faut s’esbahir ſi ſubitement i’ards.

Son maintien n’eſtoit point de mortelle façon
Mais de forme angelique & ſa douce chanſon
Sonnoit tout autre ſon que ſon de voix humaine.

Son esprit au ſurplus eſtoit diuin & haut:
Mais ſi par laps du temps quelque choſe s’en faut,
Pourtant l’arc debandé ne fait la playe ſaine.

 

En ligne le 26/04/26.
Dernière révision le 26/04/26.