«««

textes de
Du Bellay

»»»

»»»

Le fort sommeil, que celeste on doibt croyre,
Plus doulx que miel, couloit aux yeulx lassez
Lors que d’Amour les plaisirs amassez
Entrent en moy par la porte d’iuoyre.

I’auoy’ lié ce Col de Marbre: uoyre
Ce seing d’albastre en mes bras enlassez,
Non moins qu’on uoit les Ormes embrassez
Du Sep lascif, au fecund bord de Loyre.

Amour auoit en mes lasses mouëlles
Dardé le traict de ses flammes cruelles,
Et l’ame erroit par ces leures de roses.

Preste d’aller au fleuue obliuieux
Quand le reueil de mon ayse enuieux
Du doulx sommeil a les portes decloses.

Son­net

→ texte
moder­nisé

pleine page

œuvres de
Du Bellay
dispo­nibles
sur Gallica

télé­charger
le texte

En ligne le 12/03/21.
Dernière révision le 12/03/21.