Mellin de SAINT-GELAIS (1487-1558)
Du triste cœur…
Lyon, Antoine de Harsy, 1574 [Paris, 1873].

Dv triste cœur voudrois la flamme esteindre,
De l’estomach les flesches arracher,
Et de mon col le lien destacher,
Qui tant m’ont peu brusler, poindre, & estraindre.

Puis l’un de glace & l’autre de roc ceindre,
Le tiers de fer appris à bien trancher,
Pour amortir, repousser, & hacher,
Feux, dards, & nœuds, sans plus le deuoir craindre.

Et les beaux yeux, la bouche, & main polie,
D’où vient chaleur, traict & reth si soudaine,
Par qui Amour m’ard, me poind, & me lie,

Voudrois tourner yeux en claire fontaine,
L’autre en deux brins de coral ioints ensemble,
L’autre en yuoire à qui elle ressemble.

On peut cliquer sur certains mots pour voir les épithètes de Maurice de La Porte
 
 

Dv triste cœur voudrois la flamme esteindre,
De l’estomach les flesches arracher,
Et de mon col le lien destacher,
Qui tant m’ont peu brusler, poindre, & estraindre.

Puis l’un de glace & l’autre de roc ceindre,
Le tiers de fer appris à bien trancher,
Pour amortir, repousser, & hacher,
Feux, dards, & nœuds, sans plus le deuoir craindre.

Et les beaux yeux, la bouche, & main polie,
D’où vient chaleur, traict & reth si soudaine,
Par qui Amour m’ard, me poind, & me lie,

Voudrois tourner yeux en claire fontaine,
L’autre en deux brins de coral ioints ensemble,
L’autre en yuoire à qui elle ressemble.

 

En ligne le 14/01/18.
Dernière révision le 15/05/19.