Pierre de RONSARD (1524-1585)
Jeune Herculin…
Paris, veuve Maurice de La Porte, 1552.
ouvrir sur Gallica : Sonnets, p. 91.

Ieune Herculin, qui des le ventre sainct,
Fus destiné pour le commun seruice:
Et qui naissant rompis la teste au vice
De ton beau nom dedans les astres peint:

Quand l’age d’homme aura ton cuœur atteint,
S’il reste encor quelque trac de malice,
Le monde adonc ployé soubz ta police
Le pourra voyr totalement estaint.

En ce pendant crois enfant, & prospere,
Et sage apren les haultz faitz de ton pere,
Et ses vertus, & les honneurs des Roys.

Puis aultre Hector tu courras à la guerre,
Aultre Iason tu t’en iras conquerre,
Non la toison, mais les champz Nauarroys.

On peut cliquer sur certains mots pour voir les épithètes de Maurice de La Porte
 
 

Ieune Herculin, qui des le ventre sainct,
Fus destiné pour le commun seruice:
Et qui naissant rompis la teste au vice
De ton beau nom dedans les astres peint:

Quand l’age d’homme aura ton cuœur atteint,
S’il reste encor quelque trac de malice,
Le monde adonc ployé soubz ta police
Le pourra voyr totalement estaint.

En ce pendant crois enfant, & prospere,
Et sage apren les haultz faitz de ton pere,
Et ses vertuz, & les honneurs des Roys.

Puis aultre Hector tu courras à la guerre,
Aultre Iason tu t’en iras conquerre,
Non la toison, mais les champz Nauarroys.

 

En ligne le 07/03/21.
Dernière révision le 07/03/21.