SOlo & pensoso impiu diserti campi

uo mesurando a passi tardi & lenti
& gliocchi porto per fuggire intenti
oue uestigio human la rena stampi
altro schermo non trouo, che mi scampi
dal manifesto accorger delle genti
per che negliacti da legrezza spenti
di fuor si legge comio dentro auampi

S ichio miccredo omai che monti & piagge
& fiumi & selue sappian di che tempre
sia la mia uita che celata altrui
ma pur si aspre uie ne si seluagge
cercar non so chamor non uenga sempre
ragionando con meco & io conlui

Seul & pensif ces champs & uert coustault
Vais mesurant pas à pas lentement,
Et des humains ie fuys l’assemblement:
Mais tel fuyr pourtant rien ne me uault.

Au fort ainsi gouuerner il me fault,
Pour ne monstrer aux gens mon gref torment.
Veu qu’à me ueoir on lit dehors comment
Tousiours i’endure au dedans un feu chauld.

Ie croy qu’icy meshuy il n’y ha plaine,
Ne mont, ne bois, qui ne scachent l’usage
Que tient ma uie à autruy incertaine.

Mais ie ne scay cercher lieu tant sauuage,
Qu’amour tousiours ne m’y suiue en uolant,
Et l’un à l’aultre ensemble allons parlant.

Solitaire & pensif par les lieux plus sauuages,
Où des homes le train moins se montre à mes yeux,
Seul ie ua degorgant mon trauail ennuieux,
Or dans les bois ombreux, or du long des riuages.

Là, seul ie ramentoi celle, qui en sa garde
A mon cueur mon fuitif, & rendre ne le ueut,
Et, quand elle uoudroit, qui rendre ne le peut,
Tant humaine la sent mon traitre qu’elle garde.

Là, tout parle d’amour, & n’y a, ni ruisseau,
Ni beste, ni rocher, ni pré, ni arbrisseau,
Qui ne sente auec moi d’amour quelque etincele.

Et ie ne puis aller en desers si lointains,
(Soit par les lieux plus bas, soit par les plus hautains)
Qu’à cet aueugle dieu tant soit peu ie m’y cele.

TOut seul, & en resuant au champ plus solitaire
Je mesure mes pas posez appesantifs,
Et fais que mes deux yeux de fuir attentifs
Font que vestige humaine ne leur y soit contraire.

Trouuer ne m’est possible autre meilleur repaire,
Pour fuir le soupcon du peuple conceptif,
Car en mes actions par plaisir sensitif
Ce que i’ay dans le cœur ma face ne peut taire.

Tellement que ie croy qu’il n’est ny mont, ny plaine,
Ny fleuue ny forest à qui ne soit certaine,
La trempe de ma vie recellee à autruy.

Mais chercher ie ne puis ma vie si lointaine
Qu’amour ne m’y attrappe & par tout il me traine,
Parlant tousiours à moy, & moy tousiours à luy

Ie vay seul & pensif les champs plus esgarez
Et deserts mesurant d’vne marche tardiue,
Et ie porte la veuë a fuïr ententiue
La terre, ou que les pieds humains sont figurez.

Je ne scay autre tour, afin que separez
Les hommes soient de moy, & toute autre ame viue,
Car en mes faits, desquels rien qu’vn pleurer deriue,
Les chauds traits que ie sens au coeur, sont declarez.

Tant que d’or sen auant ie croy que les riuieres,
Les montagnes & bois cognoissent les manieres
De ma vie, & son but incognu á autruy.

Toutefois ie ne scay chercer tant aspre voie
Ny sauuage, qu’Amour tousiours ne me conuoie,
Auec moy raisonnant, & moy auecque luy.

Seul & pensif ces champs & uert coustault
Vais mesurant pas à pas lentement,
Et des humains ie fuys l’assemblement:
Mais tel fuyr pourtant rien ne me uault.

Au fort ainsi gouuerner il me fault,
Pour ne monstrer aux gens mon gref torment.
Veu qu’à me ueoir on lit dehors comment
Tousiours i’endure au dedans un feu chauld.

Ie croy qu’icy meshuy il n’y ha plaine,
Ne mont, ne bois, qui ne scachent l’usage
Que tient ma uie à autruy incertaine.

Mais ie ne scay cercher lieu tant sauuage,
Qu’amour tousiours ne m’y suiue en uolant,
Et l’un à l’aultre ensemble allons parlant.

Solitaire & pensif par les lieux plus sauuages,
Où des homes le train moins se montre à mes yeux,
Seul ie ua degorgant mon trauail ennuieux,
Or dans les bois ombreux, or du long des riuages.

Là, seul ie ramentoi celle, qui en sa garde
A mon cueur mon fuitif, & rendre ne le ueut,
Et, quand elle uoudroit, qui rendre ne le peut,
Tant humaine la sent mon traitre qu’elle garde.

Là, tout parle d’amour, & n’y a, ni ruisseau,
Ni beste, ni rocher, ni pré, ni arbrisseau,
Qui ne sente auec moi d’amour quelque etincele.

Et ie ne puis aller en desers si lointains,
(Soit par les lieux plus bas, soit par les plus hautains)
Qu’à cet aueugle dieu tant soit peu ie m’y cele.

TOut seul, & en resuant au champ plus solitaire
Je mesure mes pas posez appesantifs,
Et fais que mes deux yeux de fuir attentifs
Font que vestige humaine ne leur y soit contraire.

Trouuer ne m’est possible autre meilleur repaire,
Pour fuir le soupcon du peuple conceptif,
Car en mes actions par plaisir sensitif
Ce que i’ay dans le cœur ma face ne peut taire.

Tellement que ie croy qu’il n’est ny mont, ny plaine,
Ny fleuue ny forest à qui ne soit certaine,
La trempe de ma vie recellee à autruy.

Mais chercher ie ne puis ma vie si lointaine
Qu’amour ne m’y attrappe & par tout il me traine,
Parlant tousiours à moy, & moy tousiours à luy

Ie vay seul & pensif les champs plus esgarez
Et deserts mesurant d’vne marche tardiue,
Et ie porte la veuë a fuïr ententiue
La terre, ou que les pieds humains sont figurez.

Je ne scay autre tour, afin que separez
Les hommes soient de moy, & toute autre ame viue,
Car en mes faits, desquels rien qu’vn pleurer deriue,
Les chauds traits que ie sens au coeur, sont declarez.

Tant que d’or sen auant ie croy que les riuieres,
Les montagnes & bois cognoissent les manieres
De ma vie, & son but incognu á autruy.

Toutefois ie ne scay chercer tant aspre voie
Ny sauuage, qu’Amour tousiours ne me conuoie,
Auec moy raisonnant, & moy auecque luy.