Salomon CERTON (1552-v. 1620)
Prés verdis de gazons…

L

PRez verdis de gasons, vous que va fendant Aare
Au cours precipité, prez qui enceinturez
D’vn honneur bigarré ces antres retirez
Où mainte Hamadriade & maint Faune s’esgare:

Orrez vous point ma voix en ces nouueautez rare,
Voix dont i’ay vos esprits fantastics honorez ?
Vous seray-ie ennuyeux, vous que i’ay desirez
Ornemens & suiets dont mes chansons ie pare ?

Or prez verdement beaux, si hardi i’ay conduict
Dessus vostre toison au sombre d’vne nuict
Vne troupe seante au sommet de Permesse,

Endurez ie vous pry’ que par ce nouueau son,
(Car mesme vos esprits en ont de moy promesse)
I’entonne dessus vous ma fantasque chanson.

On peut cliquer sur certains mots pour voir les épithètes de Maurice de La Porte
 
 

L

PRez verdis de gasons, vous que va fendant Aare
Au cours precipité, prez qui enceinturez
D’vn honneur bigarré ces antres retirez
Où mainte Hamadriade & maint Faune s’esgare:

Orrez vous point ma voix en ces nouueautez rare,
Voix dont i’ay vos esprits fantastics honorez ?
Vous seray-ie ennuyeux, vous que i’ay desirez
Ornemens & suiets dont mes chansons ie pare ?

Or prez verdement beaux, si hardy i’ay conduict
Dessus vostre toison au sombre d’vne nuict
Vne troupe seante au sommet de Permesse,

Endurez ie vous pry’ que par ce nouueau son,
(Car mesme vos esprits en ont de moy promesse)
I’entonne dessus vous ma fantasque chanson.

«««  lipogramme en L  »»»
 

En ligne le 07/02/14.
Dernière révision le 30/01/19.