Ixion. Pariure, mi­se­rable, thes­sa­lien, fauce-foi, mes­chant, des­loial, te­me­raire, las­cif, mal­heu­reus.

Ixion fils de Iup­pi­ter espou­sa vne nommee Die, de laquelle le pere eut à nom Deïonee, qui par la tra­hi­son de son gendre, mou­rut mi­se­ra­ble­ment de­dans vn grand creux rem­pli de char­bons ar­dents : L’hor­reur de ce crime meit Ixion en si grande haine des dieux & des hommes, que par vn long temps il erroit ça & la va­ga­bond, ne trou­uant per­sonne qui le vou­lust re­ce­uoir : En fin Iup­pi­ter aiant pi­tié de lui le pur­gea de ce for­fait, & le fit ve­nir au Ciel, ou s’estant vn iour eni­uré de Nec­tar, & saou­lé d’Am­bro­sie, il fut si pre­somp­tueus de pres­ser Iu­non de son des­hon­neur: dont elle gran­de­ment cour­rou­cee en fit le rap­port à Iu­pi­ter, qui pour en sça­uoir la ve­ri­té print vne nuee, de la­quelle il fit vne image moult res­sem­blante à Iu­non, & aiant Ixion ac­com­pli son de­sor­don­né vou­loir auec elle, de là nas­quirent les Cen­taures. A ceste cause Iu­pi­ter ne le pou­uant faire mou­rir (parce qu’il auoit man­gé de l’Am­bro­sie) l’enuoia tout vif aux enfers, & le fit par les mains & par les pieds at­ta­cher à vne roue qui tourne per­pe­tuel­le­ment.

Maurice de LA PORTE, Les Epithetes, 1571,
f° 142r°v° [Gallica, NUMM-50715, PDF_290_291]
(texte original).

[Voir les autres suppli­ciés infer­naux : les Be­lides, Phle­gye, Si­syphe, Tan­tale, Ti­tye ; voir en­core Phi­nee, Pro­me­thee et Pha­la­ris.]

Ixion) Il osa prier d’amour Iu­no femme de Iu­pi­ter, Déesse de l’air, que pour cete rai­son les poëtes feignent auoir sup­po­sé une nue à sa fi­gure, & sem­blance, ou ledict Ixion pen­sant iouir de ses amours en­gen­dra les Cen­taures demy-hommes, & demy-cheuaux, qui furent def­faicts par les La­pythes.

Ian PROUST, in DU BELLAY, Recueil de Poesie, 1549,
« Brieue expo­si­tion de quelques pas­saiges poë­tiques les plus dif­fi­ciles conte­nuz en cet œuure », « De l’Ode X », p. 89
Gallica, NUMM-71119, PDF_90]
(texte original).