«««

textes de
Ron­sard

»»»

«««

»»»

»»»

Quand au premier la Dame que i’adore
Vint embellir le seiour de noz cieulx,
Le filz de Rhée appella tous les Dieux,
Pour faire encor d’elle vne aultre Pandore.

Lors Apollin richement la decore,
Or, de ses raiz luy façonnant les yeulx,
Or, luy donnant son chant melodieux,
Or, son oracle & ses beaulx vers encore.

Mars luy donna sa fiere cruaulté,
Venus son ris, Dione sa beaulté,
Peithon sa voix, Ceres son abondance.

L’aube ses doigtz & ses crins deliez,
Amour son arc, Thetis donna ses piedz,
Cleion sa gloyre, & Pallas sa prudence.

Son­net

→ texte
moder­nisé

pleine page

œuvres de
Ron­sard
dispo­nibles
sur Gallica

télé­charger
le texte

com­men­taires
de Muret (1553)

va­riantes

Version de 1553 en ligne le 17/06/11,
remplacée par celle de 1552 le 17/06/13.
Dernière révision le 10/03/22.