Olivier de MAGNY - 1557 - Après avoir, Paschal…

Olivier de MAGNY (1529-1561)

Après avoir, Paschal…

Paris, Vincent Sertenas, 1557.

propos :
la constance
dans l’amour

Apres auoir, PASCHAL, d’vne sçauante main
Remply de cent discours ton histoire immortelle,
Ornant nostre grand Roy d’une gloire aussi belle,
Que celle d’Alexandre, & du ieune Aphricain.

Voy ie te pry, PASCHAL, de quel trait inhumain
Amour fait en mon cœur vne playe nouuelle,
Et de quelle chanson ie celebre la belle
Qui me tient langoureux sur ce fleuue Romain.

De iour en iour ie change & de poil & de face,
Mais Amour dedans moy ne change point de place,
Ains me naure tousiours des raiz de deux beaux yeux.

Ie suis du tout à luy, & n’ay rien en moymesme,
Mais quoy? c’est mon destin, & plustost que ie n’ayme
La mer sera sans eaux & sans astres les cieux.

On peut cliquer sur certains mots pour voir les épithètes de Maurice de La Porte

Sonnet

œuvres de
Magny
à la BnF
et sur Gallica

textes de
Magny

Apres auoir, PASCHAL, d’vne ſçauante main
Remply de cent diſcours ton hiﬅoire immortelle,
Ornant noﬅre grand Roy d’une gloire außi belle,
Que celle d’Alexandre, & du ieune Aphricain.

Voy ie te pry, PASCHAL, de quel trait inhumain
Amour fait en mon cœur vne playe nouuelle,
Et de quelle chanſon ie celebre la belle
Qui me tient langoureux ſur ce ﬂeuue Romain.

De iour en iour ie change & de poil & de face,
Mais Amour dedans moy ne chãge point de place,
Ains me naure touſiours des raiz de deux beaux yeux.

Ie ſuis du tout à luy, & n’ay rien en moymeſme,
Mais quoy? c’eﬅ mõ deﬅin, & pluﬅoﬅ que ie n’ayme
La mer ſera ſans eaux & ſans aﬅres les cieux.

En ligne le 24/06/15.
Dernière révision le 10/11/26.