«««

textes de
Ronsard

»»»

«««

anti­thèses
accu­mulées
(vers 1-8)

»»»

EStre indigent, & donner tout le sien,
Se feindre vn ris, auoir le cœur en pleinte,
Hair le vrai, aimer la chose feinte,
Posseder tout & ne iouir de rien.

Estre deliure, & trainer son lien
Estre vaillant, & couharder de crainte,
Vouloir mourir, & viure par contrainte,
De cent trauaus ne receuoir vn bien:

Auoir touiours pour vn seruil hommage,
La honte au front, en la main le dommage:
A ses pensers d’vn courage hautain

Ourdir sans cesse vne nouuelle trame,
Sont les effets qui logent dans mon ame,
L’espoir douteus, & le tourment certain.

Son­net

→ texte
moder­nisé

pleine page

œuvres de
Ronsard
dispo­nibles sur Gallica

télé­charger au format rtf

commen­taires de Muret

En ligne le 02/11/05.
Dernière révision le 24/02/13.