Pierre de RONSARD (1524-1585)
J’espère et crains…
Le Préam­bule des
innom­brables
Les Amours,
Paris, veuve Maurice de La Porte, 1552.
ouvrir sur Gallica : Sonnets, p. 11.

I’espere & crains, ie me tais & supplie,
Or ie suis glace, & ores vn feu chault,
I’admire tout, & de rien ne me chault,
Ie me delace, & puis ie me relie.

Rien ne me plaist si non ce qui m’ennuye,
Ie suis vaillant, & le cuœur me default,
I’ay l’espoir bas, i’ay le courage hault,
Ie doubte Amour, & si ie le deffie.

Plus ie me picque, & plus ie suis restif,
I’ayme estre libre, & veulx estre captif,
Cent foys ie meur, cent foys ie prens naissance.

Vn Promethée en passions ie suis,
Et pour aymer perdant toute puissance,
Ne pouuant rien ie fay ce que ie puis.

On peut cliquer sur certains mots pour voir les épithètes de Maurice de La Porte
 
 

I’eſpere & crains, ie me tais & ſupplie,
Or ie ſuis glace, & ores vn feu chault,
I’admire tout, & de rien ne me chault,
Ie me delace, & puis ie me relie.

Rien ne me plaiſt ſi non ce qui m’ennuye,
Ie ſuis vaillant, & le cuœur me default,
I’ay l’eſpoir bas, i’ay le courage hault,
Ie doubte Amour, & ſi ie le deffie.

Plus ie me picque, & plus ie ſuis reſtif,
I’ayme eſtre libre, & veulx eſtre captif,
Cent foys ie meur, cent foys ie prens naiſſance.

Vn Promethée en paßions ie ſuis,
Et pour aymer perdant toute puiſſance,
Ne pouuant rien ie fay ce que ie puis.

 

Version de 1553 en ligne le 01/04/06,
remplacée par celle de 1552 le 20/02/13.
Dernière révision le 25/05/24.