Claude de PONTOUX (v. 1540-1579)
Tant puissante est l’ardeur…
Le Préam­bule des
innom­brables
Les Œuvres,
Lyon, Benoît Rigaud, 1579.
ouvrir sur Gallica : L’Idée, CLXXXV, p. 108.

Tant puissante est l’ardeur, la flesche, & la filasse,
Dont m’eschaufe, & me naure, & me lie l’amour
Qu’ars, attaint, empiegé, mon cœur fait son seiour
Et malade, & captif, dans le feu, dans la glace,

Mais pendant que ie fondz ie langui, ie m’englace,
Par la flamme, la playe, & les liens d’Amour,
Si ie voi ce bel or, ce Soleil, ce beau iour,
Ie ne sens chaut, ni dueil, ni neud qui mal me face.

Quoi qu’il me brusle ou tue, ou m’estraint rudement
Ie sen si doux le feu, la mort, & le tourment,
Qu’ores ie hay le froid, la vie, & la franchise:

O feu, ô fer, ô ret de l’Archer les outilz
Puissiez tousiours ainsi saouler voz appetits
De moi qui vous suis meiche, & but, & proie prise.

On peut cliquer sur certains mots pour voir les épithètes de Maurice de La Porte
 
 

Tant puiſſante eſt l’ardeur, la fleſche, & la filaſſe,
Dõt m’eſchaufe, & me naure, & me lie l’amour
Qu’ars, attaĩt, empiegé, mõ cœur fait ſon ſeiour
Et malade, & captif, dans le feu, dans la glace,

Mais pẽdant que ie fondz ie lãgui, ie m’englace,
Par la flamme, la playe, & les liẽs d’Amour,
Si ie voi ce bel or, ce Soleil, ce beau iour,
Ie ne sẽs chaut, ni dueil, ni neud ꝗ mal me face.

Quoi qu’il me bruſle ou tue, ou m’eſtraĩt rudemẽt
Ie ſen ſi doux le feu, la mort, & le tourment,
Qu’ores ie hay le froid, la vie, & la franchiſe:

O feu, ô fer, ô ret de l’Archer les outilz
Puißiez touſiours ainſi ſaouler voz appetits
De moi ꝗ vo9 ſuis meiche, & but, & proie priſe.

 

Version de 1585 en ligne le 18/09/05,
remplacée par celle de 1579 le 16/02/26.
Dernière révision le 16/02/26.